70 kg drogë në makinë, arrestohet shqiptari në Itali

Policia italiane e qytetit të Firences ka arrestuar në flagrancë një 38-vjeçar shqiptar me akuzën e trafikimit të marijuanës.

Në automjetin e tij të tipit ‘Renault Koleos’ janë sekuestruar rreth 70 kg marijuanë që nëse do të shitej në doza të vogla vlerësohet se do të gjeneronte 350 mijë euro.

Lënda narkotike ishte e paketuar në 4 thasë.

Arrestimi i shqiptarit u bë i mundur falë sinjalizimeve të hetuesve italianë që informuan se 38-vjeçari shqiptar një ditë më parë kishte udhëtuar drejt jugut të Italisë për të tërhequr një sasi të konsiderueshme droge.

Ndaj tij u lëshua urdhri i arrestimit me burg dhe automjeti është vënë nën sekuestrimin e policisë italiane.

Lini një përgjigje

Your email address will not be published.